Dario Chioli, La Piramide dël Nòno

www.superzeko.net

Dario Chioli

LA PIRAMIDE DËL NÒNO

Për ij novant’ani ëd Nòno Albino,
ël 22 ’d fëvré dël 2004

Ël mond l’é pròpi na piramide d’Egit: Sota pì larga, a-i coro tanti cit; Montand an sù, ij giovnòt, peui ij pì vej; Ma mach an ponta at peuli trové ’l mej.

Për monté fin-a lì bzògna avej fàit Al minim novant’ani, alora ’t peuli Intré ’nt la ca dle stèile tuta bianca, Vivend tranquil fin che la vita at manca.

E da là sù quàich vòlta at senti ’n vent Con andrinta le vos dij tò fratej. Con tò pare e toa mare a son setà: Davanti a lor a j’é l'eternità.

Ògni tant dan n’uciada për dëdsà At guardo vive e a rijo tuti content. Chissà? forse a faran tifo ch’at rivi ’Ndoa l’é rivaje gnun dij tò parent.

A fé sent’ani ’t ses bin ancaminà: At chërdi ëd meuire, ma peui at meuiri pa... Ògni ses mèis at fa stra Sant’Antòni; Dë dzora a crijo: “Sta lì, ven pa dëdsà!”

J’é na scomëssa an cel tra ij tò fratej Con ël Sampietro da la barba nèira; L’han scomëttù la nivola pì bela Ch’a-i passerà ’n bel pò për la toa sèira.

E ’dcò toa fomna a veul pa lassete ’ndé; S’at manchi ti, come a fa a barboté? Ij sent ani a të speto, e la speransa A l’é ch’i të smijoma, e ch’a-i n’avansa!

E adess brindoma tuti an alegrìa: Peussa riveje ’l bin e così sia!

La Piramide dël Nòno
( grafica di Piero Bossotto )

Traduzione italiana:

LA PIRAMIDE DEL NONNO

Per i novant’anni di Nonno Albino, il 22 febbraio 2004

Il mondo è proprio una piramide d’Egitto, Sotto è più larga, vi corrono i bambini; Salendo, i giovanotti, ed i maggiori; Ma solo in cima il meglio si ritrova.

Per salir fino a lì bisogna avere Almeno novant’anni, allora entrare Puoi nella bianca casa delle stelle, Dove trascorre in pace la tua vita.

E di lassù talvolta senti un vento Che dei fratelli tuoi porta le voci. Con tuo padre e tua madre son seduti: Davanti a loro c’è l'eternità.

Ogni tanto si sporgono di qua: Poiché sei vivo ridono contenti. Chissà? Forse s’aspettano tu giunga Dove dei tuoi non è giunto nessuno.

Per far cent’anni sei sul buon cammino: Credi morire ma non muori mai... Sant’Antonio ti grazia ogni sei mesi; E ti dicon da su: “Non venir qua!”

Hanno scommesso i tuoi fratelli in cielo Con il San Pietro dalla barba nera; Hanno scommesso la nube più bella Che passerà un bel po’ per la tua sera.

Anche tua moglie non vuol farti andare: Se manchi tu, come fa a borbottare? I cent’anni ti aspettano, e speranza Di somigliarti abbiamo, se ne avanza!

E ora brindiamo tutti in allegria: Possa venire il bene e così sia!

Mio padre Albino Chioli, nato il 22 febbraio 1914, ha lasciato questo mondo il 4 gennaio 2006.

Se vuoi invia un commento, specificando da che pagina scrivi:

scrivi@superzeko.net

Sommario